घरगुती फ्रुट फेशिअल
साहित्य
- कोरफडीचा गर १ चमचा
- पपई २ चमचे
- आंबा रस , कलिंगड रस , संत्रा रस (कुठलेही एक त्वचेच्या प्रकारानुसार ) ५ चमचे
- संत्रा पावडर २ चमचे
- ज्वारीचे किंवा तांदळाचे पीठ ४ चमचे
- हळद २ चमचे
- मध १ चमचा
- गुलाबपाणी ३ चमचे
कृती:-
प्रथम पूर्वतयारी करावी ( केस बांधून त्यावर फेशिअल बेल्ट लावावा, ऍप्रन घालावे. )
क्लिंझिंग - कोरफडीच्या गराने ५ मिनिटे क्लिंझिंग करावे.
स्टीम - स्टीम घेताना पाण्यात संत्रा पावडर टाकावी . ७ ते ८ मिनिटे स्टीम घ्यावी.
स्क्रबिंग - तेलकट त्वचेसाठी ज्वारीच्या आणि बाकीच्यांसाठी तांदळाच्या पीठाने स्क्रब करावे. नंतर चेहरा साध्या पाण्याने धुवून घ्यावा.
मसाज - मसाज करताना गळ्याकडून वरील बाजूस करावा हनुवटीपासून गालाकडे -कानाकडे गोलाकार बोटे फिरवावी . आता दोन्ही बोटावर रस घेऊन नाकावर आणि डोळ्याच्या खाली हळुवार मसाज करावा. १५ ते २० मिनिटे करावे.
कोरड्या त्वचेसाठी - कलिगडचा रस .
तेलकट त्वचेसाठी -संत्रा रस.
सावळ्या किंवा माध्यम त्वचेसाठी - आंब्याचा रस + हळद.
मसाज झाल्यावर चेहरा न धुता फेसपॅक लावावा.
फेसपॅक -फेसपॅक लावल्यावर चेहऱ्याची जास्त हालचाल करू नये.
कोरड्या त्वचेसाठी - संत्र्याचा रस + मध एकत्र करून लावावे. १० मिनिटांनी धुवावे.
तेलकट त्वचेसाठी - पिकलेल्या पपईचा गर २ चमचे काढून तो थोडासा पातळ करून चेहऱ्यावर लावावा २० मिनिटांनी धुवावे.
सावळ्या किंवा माध्यम त्वचेसाठी - आंब्याचा रस +हळद (उन्हाळ्यात ) इतरवेळी मसूर डाळ रात्रभर पाण्यात भिजत ठेऊन सकाळी बारीक वाटावी. त्यात १/२ चमचा हळद टाकून हा लेप चेहऱ्यास लावावा. ते वाळल्यावर धुवावे.
सूचना: -
- जर पातेल्यात स्टीम घेणार असल्यास डोळे बंद ठेवावे.
- फेसपॅक किंवा मसाज क्रिम डोळ्यात जाणार नाही याची काळजी घ्यावी.
0 टिप्पण्या