सांभार रेसिपि (Sambhar Recipe)

 सांभार रेसिपि 

 कोर्स:  ब्रेकफास्ट 

पाककृती: भारतीय 

 तयारीची वेळ:  १५ मिनिटे

 कूक वेळ:  १५ मिनिटे

 एकूण वेळः  ३० मिनिट

 सर्व्हिंग्ज:  ४ सर्व्हिंग्ज

साहित्य: -

• तूर डाळ १ कप 
• १ टोमॅटो 
• १ कांदा 
• १/२ वाटी तेल 
• १/२ चमचा मीठ 
• २ चमचे कोथिंबीर 
• १/२ चमचा लाल तिखट 
• १/२ चमचा सांभार मसाला 
• १ चमचा चिंच 
• २ आमसूल 
• ४ तमालपत्र 
• १/२ चमचा जिरे 
• १/२ चमचा मोहरी 
• १ वाटी कापलेल्या मिक्स भाज्या ( दुधी भोपळा, शेवग्याच्या शेंगा , वांगे,बटाटा )आवडीप्रमाणे. 
• १/२ चमचा हळद 

कृती :-

• तूर डाळ धुऊन कुकरमध्ये ओतावी. त्यात १ चमचा तेल , १/४ चमचा हळद, १ कापलेला टोमॅटो , अर्धा कांदा, १/४ चमचा मीठ टाकून नरम शिजवून घ्यावी. 
• चिरलेल्या भाज्या धुऊन कुकरमध्ये १ शिटी द्यावी.  
• शिजवलेली डाळ रवीने चांगली घोटून घ्यावी.   
• कढईत तेल गरम करून त्यात तमालपत्र , मोहरी जिरे टाकावे. ते तडतडल्यावर त्यात अर्धा कांदा टाकून गुलाबी होईपर्यंत परतावे. 
• नंतर त्यात चिंच,आमसूल लाल तिखट , हळद,  आणि मीठ टाकून परतून घ्यावे. 
• त्यात घोटलेली डाळ आणि भाज्या टाकाव्या.
• एक ग्लास कोमट पाणी ओतावे . 
•  व्यवस्थित हलवून घ्यावे. उकळी येऊ द्यावी. 
• मग सांभार मसाला टाकावा . एकजीव करून गॅस बंद करावा आणि त्यावर लगेच झाकण ठेवावे . म्हणजे त्याचा सुगंध जाणार नाही . आणि ते थंड होणार नाही . 
• गरम गरम सांभार तयार आहे.