महाराष्ट्रीय पावभाजी रेसिपी
कोर्स: ब्रेकफास्ट / डिनर / लंच
तयारीची वेळ: १० मिनिटे
कूक वेळः २० मिनिटे
सर्व्हिंग्ज: ४ सर्व्हिंग्ज
- १ लादी पाव
- ३ मोठे बटाटे
- २०० ग्राम पांढरे वाटाणे (५ ते ६ तास पाण्यात भिजत ठेवावे)
- १ शिमला मिरची
- १०० ग्राम फ्लॉवर
- १ चमचा पावभाजी मसाला
- १ चमचा मीठ
- १/२ चमचा हळद
- १ चमचा लाल तिखट
- १ चमचा धने पूड
- १ चमचा जिरे पूड
- १ चमचा काळे मीठ
- १ चमचा आले लसूण पेस्ट
- १ वाटी तेल
- १/२ चमचा मोहरी
- १/२ चमचा जिरे
- २ मोठे कांदे
- २ ते ३ मोठे लाल टोमॅटो
- १ लिंबू
- १ वाटी बारीक चिरलेली कोथिंबीर
- १ वाटी बटर
- प्रथम कुकरमध्ये एका डब्यात बटाटे , दुसऱ्या डब्यात वाटाणे आणि फ्लॉवर चिरून धुऊन घेऊन एकत्र , आणि तिसऱ्या डब्यात टोमॅटो धुवून मध्यम काप करून ठेवावे. आणि ४ शिट्या घेऊन शिजवून घ्यावे.
- टोमॅटोच्या साली काढून मिक्सरवर बारीक प्युरी करावी.
- बटाटे साली काढून घ्याव्या. त्यात फ्लॉवर वाटाणे एकत्र करून व्यवस्थित स्मॅश करावे.
- एका कढईत तेल गरम करण्यास ठेवावे त्यात मोहरी - जिरे टाकावे.
- नंतर चिरलेला अर्धा कांदा आणि बारीक चिरलेली शिमला मिरची टाकून परतावे.
- मग त्यात चवीनुसार साधे मीठ आणि काळे मीठ एकत्र करून टाकावे. छान परतावे. यामुळे कांदा आणि सिमला मिरची लवकर शिजेल.
- कांदा गुलाबी झाल्यावर त्यात आले लसूण पेस्ट टाकावी आणि परतून घ्यावे.
- नंतर टोमॅटो प्युरी टाकावी. २ -३ मिनिटे परतावे.
- त्यात हळद लाल तिखट धने पूड जिरे पूड टाकून परतावे.
- त्यात स्मॅश केलेल्या भाज्या ओताव्या.
- १/२ ग्लास कोमट पाणी ओतावे.
- एक उकळी आल्यावर बटर २ ते ४ चमचे आणि पावभाजी मसाला १ चमचा टाकावे.
- कोथिंबीर टाकून व्यवस्थित हलवावे. कढईवर झाकण ठेऊन गॅस बंद करावा.
- एक तवा गॅसवर ठेवावा. पाव मधून कापून आतील बाजूने त्यावर थोडे लाल तिखट आणि बटर चमच्याने पसरवावे. आणि गरम तव्यावर भाजावे. नंतर दुसऱ्या बाजूला फक्त बटर लावून भाजून घ्यावे.
सूचना: -
- एका ताटात गरम पाव ठेवावे बाजूला बाकी राहिलेला थोडा कांदा, लिंबू ठेवावे. आणि वाटीत गरम भाजी काढावी आणि ताटात ठेवावी.
- पावभाजी तयार आहे.
0 टिप्पण्या