सुरळीच्या वड्या 

 कोर्स:  ब्रेकफास्ट 

पाककृती: भारतीय 

 तयारीची वेळ:  15 मिनिटे

 कूक वेळ:  10 मिनिटे

 एकूण वेळः  २५ मिनिट

 सर्व्हिंग्ज:  ४ सर्व्हिंग्ज

साहित्य: -

• १ वाटी बेसन 
• १ वाटी ताक 
• १/२ चमचा हळद 
• १/२ चमचा मीठ 
• १/२ चमचा मोहरी 
• १/२ चमचा जिरे 
• १/२ चमचा हिंग 
• ५ ते ६ हिरव्या मिरच्या 
• १/२ वाटी चिरलेली कोथिंबीर 
• १/२ वाटी खोवलेले ओले खोबरे 
• फोडणीसाठी तेल. 

कृती :-

• प्रथम बेसन मध्ये ताक घालून थोडे हलवून १० मिनिटे झाकून ठेवावे. 
• दहा मिनिटांनी त्यात हळद हिंग आणि मीठ टाकून व्यवस्थित फेटावे. 
• हे मिश्रण नॉनस्टिक कढईत ओतून गॅसवर ठेवावे. 
• सतत ढवळत राहावे. तळाला करपू देऊ नये. 
• चमच्याने मिश्रण वरून सोडून पाहावे . पाकाप्रमाणे मिश्रण पडत असेल तर समजावे ते छान शिजले आहे . मग गॅस बंद करावा. 
• एका ताटाला खालच्या बाजूने तेल लावावे. आणि वरील मिश्रण चमच्याने पातळ थर येईल अशाप्रकारे पसरवावे. 
• मिरची आणि चिमूटभर मीठ एकत्र करून मिक्सरवर वाटून घ्यावी. 
• फोडणीसाठी छोट्या कढईत तेल गरम करावे. 
• त्यात मोहरी, जिरे टाकावे. त्यात मिरचीचे वाटण टाकावे. 
• ते चमच्याने बेसनच्या मिश्रणावर पसरवावे. 
• त्यावर खोबरे आणि कोथिंबीर पसरवावी. 
• सुरीने दोन कट द्यावे . 
• आता बाजूने सुरीच्या किंवा उलथन्याच्या साहाय्याने त्याचा रोल करून घ्यावा. 
• आपल्या सुरळीच्या वड्या तयार आहेत.