वारांचे गाणे \ मराठी कविता इयत्ता तिसरी मराठी सुलभभारती

 वारांचे गाणे  

गाणी , गप्पा- गोष्टींचा,

सोमवार आमच्या आवडीचा . 

कृतीतून परिसर शिकण्याचा,

मंगळवार असे निरीक्षणाचा . 

कागद,माती, विविध रंग,

बुधवारी आम्ही त्यातच दंग . 

भाषणासाठी जितू उभा,

गुरुवारी जमली बालसभा 

पाने,फुले,जंगल सफारी,

सहलीला जाऊ शुक्रवारी. 

खेळण्यात आनंद वाटे भारी,

कवायत आमची शनिवारी. 

शाळेला सुटटी रविवारी,

मित्र येती खेळायला घरी.