मराठी कविता \ इयत्ता तिसरी \ मराठी सुलभभारती \ ससोबा \ Marathi Poem Grade 3 - marathi Sulabhbharti

ससोबा  

ससा रे ससा. 

असा रे कसा ?

ताठ असती तुझे कान . 

तोंडावरती मिश्या छान. 

डोळे तुझे लाल लाल. 

गुबगुबीत तुझे गाल. 

अंग तुझे पांढरे पांढरे,

दिसे किती छान गोजिरे . 

शेपटी तुझी इवलीशी,

हलवतोस अशी कशी  ?

गवत खातो कुरूकुरू. 

चालतोस तू तुरुतुरु. 

चाहूल लागता थोडीशी,

मारतोस तू दडी कशी  ?

असा रे कसा,

भित्रा तू ससा ?